Судот за воени злосторства во поранешна Југославија соопшти дека судскиот совет донел одлука да го прифати барањето на одбраната, Јохан Тарчуловски да биде помилуван, јавува Балканска истражувачка мрежа, пренесува Нова тв
Тарчуловски ќе биде пуштен на слобода по завршување на административната постапка, јави Балканската истражувачка мрежа.Како што предходно најави адвокатот Антонио Апостолски, барањето за помилување на Тарчуловски се темели на неговото добро однесување во затворот.
Минатиот месец, по завршување на две третини од казната, тој и формално стекна услов за предвремено ослободување.
Имајќи го ова предвид, „сметам дека Тарчуловски сега треба да биде ослободен“, соопшти претседателот на МКТЈ, Теодор Мерон. Сѐ уште не е јасно кога точно тој ќе биде ослободен од притвор и ќе биде повторно со семејството – но извесно е дека тоа ќе биде набрзо.
Тој веќе одлежа 8 години или две третини од казната, што е услов за негово предвремено ослободување. Тарчуловски е единствениот граѓанин на Македонија што беше осуден за воени злосторства за време на конфликтот во Македонија.
