Првиот основен суд во Белград го примил извештајот за направениот попис за имотот на поранешниот претседател на СФРЈ Јосип Броз Тито и го доставил до наследниците, а копија од добило и семејството на кралот Караѓорѓевиќ
Судската постапка за поделба на имотот почнала на барање на покојниот син на Тито Жарко, на 14 декември 1983 година.
Претходно било донесено решение за наследството на Јосип броз Тито, но неговата сопруга Јованка го оспорила тоа решение, а во 2000 година било прогласено и за неуствно. Јованка Броз, која се наоѓа во тешка здравствена состојба, порано имала поднесено повеќе барања за поделба на имотот. Таа како своја сопственост ги има наведено повеЌе скапоцени предмети: бисери и друг накит, скулптури, слики, вазни, теписи, книги, пет автомобили од гаражата на белиот двор и две од гаражата во Бриони („ролс-ројс“, бел „кадилак“, линколн“…)
Јованка вели дека имотот го стекнала во брачна заедница со Тито, а за накитот вели дека го добивала од кумовите и пријателите. Некои од нив ги добивала на подарок од Тито, а за некои навела дека сама ги купувала.
На списокот на предмети кои треба да се поделат се наоѓаат: скап мебел, длаборези, антички монети, златници, украсни игли со брилијанти, рубини, порцелански предмети, скапи часовници… Во трезорот на Тито останал и орденот на Суворов, со милионска вредност, а него го поседувале само Сталин и Жуков. Тука е и каменот од Месечината, подарок од американските астронаути.
