Градот купи реквизити за опремување скејт-парк. Неодамна склучи договор со фирмата „Фреакс дивисион“ од Скопје, вреден 81.000 евра.
За таа вредност ќе набави опрема за адреналинскиот парк, кој планира да го гради под Транспортен центар. Скејт-паркот ќе биде еден од ретките нови проекти кои актуелната градска власт ги планира за годинава.
Кога ќе почне изградбата и кога ќе биде готов скејт-паркот, надлежните се уште не можат да прецизираат. Допрва ќе се утврдува и начинот на неговото функционирање, работното време, регулацијата на влезот и користењето на паркот.
