За прв пат во земјава во клиничката болница „Аџибадем Систина“, ќе се изведе хируршка интервенција за промена на пол.
Како што дознаваме, станува збор за кандидат кој ќе го смени полот и од маж ќе стане жена. Кандидатот е македонски државјанин.
Интервенцијата ќе се изведе во рамките на Симпозиумот за генито-реконструктивна хирургија која од 1 до 3 јуни се одржува во клиничката болница „Аџибадем Систина“.
Овој најнов медицински дострел во земјава ќе биде презентиран в сабота во амфитеатарот на Клиничката болница „Аџибадем Систина“.
