Министерството за внатрешни работи апелира до сите граѓани доколку по патиштата низ државата забележат возење во спротивен правец или пак организирање трки да пријават на 192.
Вчера на социјалните мрежи беа објавени фотографии за кои граѓани тврдат дека биле направени на автопатите низ Македонија, а сведочат дека се организирале опасни „игри“ со возење во спротивна насока.
Портпаролот на МВР, Иво Котевски, за Плусинфо вели дека полицијата досега нема такви сознанија, но апелира до сите граѓани доколку забележат такво нешто веднаш да пријават во полиција.