Српскиот министер за внатрешни работи Небојша Стефановиќ денеска изјави дека до Србија, моментално има поднесено околу 60.000 барања на косовски Албанци за издавање на српски пасош.
– Имаме над 60.000 барања на Албанци од Косово за издавање пасош од нашата држава, изјави Стефановиќ по потпишувањето со шведскиот амбасадор Кристер Аспом Протокол за спроведување на Договорот меѓу Србија и ЕУ за реадмисија на лица со нерегулирано право на престој.
Спред Стефановиќ, „тоа е нивна желба Србија да биде нивна држава“, јави Танјуг. – Поголем број Албанци сакаат да ја признаат Србија како своја земја. Јас тоа така го толкувам, заклучи Стефановиќ.
