Женскиот македонски првак „Наше такси“ треба да плати 6.000 евра казна, зашто го напуштија теренот на натпреварот со грчкиот клуб „ПАОК“, во Струмица, на кој навивачите поставија транспарент „Македонија е грчка“.
Ова е одлуката на УЕФА во чии рамки се одржуваат квалификациските натпревари во Лигата на шампиони, објави денеска Македонски спорт.
Како што информиравме, веднаш по инцидентот, грчките навивачи пцуеле, кршеле и вееле транспарент со слоганот “Македонија е грчка” за време на натпреварот. Поради навредливото и непристојно навивање фудбалерките на Наше такси, се повлеклe од теренот. Натпреварот се прекинал за околу десетина минути, додека полицијата ги натерала грчките навивачи да ги напуштат трибините.
-Пет минути пред крајот на натпреварот го извадија транспарентот и тогаш се прекина натпреварот, нашата екипа не сакаше да игра поради нивниот однос.
Oчевидец на инцидентот додаде дека на крај имало консултации и потоа полицијата ги извадила надвор навивачите од Грција, и затоа натпревaрот се довршил.
Извор: ТВ Вис
