Женскиот едриличарски тим Sunflowers (Сончогледи) го освоил првото место во конкуренција на 28 бродови кои учествувале во регатата ПАМПУР во Хрватска.
Како што пишува Вечер во победничкиот тим се: Александра Дилевска, Ирена Богоевска, Емилија Пајковска, Катерина Кетковиќ, Татјана Шикоска и Елена Андоновска.
Сите се успешни жени, а Едрењето им е хоби. Дилевска е прв човек на Публицис, Богоевска ја води консултантската куќа Магра Македонија, Пајковска откако ги постави и разви Дуна Компјутери, сега го развива Намико, Шиковска е дел од менаџерскиот тим на ОБСЕ, Андоновска работи за Хјулит и Пакард, а Кетковиќ е професорка во МБУЛ Илија Николовски Луј.
Регатата се одржа во Муртер, Хрватска. Македонскиот тим го освои првото место иако имале мало искуство.
