Американскиот претседател Барак Обама денеска го именува Џозеф Кленси за директор на Тајната служба, игнорирајќи ги апелите за поставување на „човек од надвор“ по низата скандали што ја потресоа службата.
Клченси (59) беше задолжен за заштита на Обама и неговите претходници.
Белата куќа соопшти дека Кленси, без оглед што е човек од Тајната служба има јасна проценка како треба да се реформира агенцијата.
Претходната директорка Џулија Пирсон поднесе оставка откако во септември минатата година маж вооружен со нож ја прескокна оградата и упадна во Белата куќа.
