Гуор Маријал е роден на териоторијата на денешен Јужен Судан, земја која ја стекна својата независност во јули 2011 година и се уште нема свој Олимписки комитет.
Затоа МОК му дозволи на спортистот, на Игрите во Лондон, да може да се претставува самиот себеси.
Пред 10 години за време на граѓанската војна во Судан, Гуор Маријал побегнал од бегалски камп и ја напуштил земјата. Убиени биле 28 членови од неговото семејство, а останатите не ги видел речиси 20 години. Маратонецот Гуор вели дека всушност трчањето било тоа кое што му го спасило животот.
