Дедо, тракторот ми помина преку стомакот. Ова биле последните зборови на 9. годишниот Драган Ресимиќ од Ивањица, кого го прегази трактор во селото Ерчег.
Несреќата се случила во саботата попладне, кога малечкиот Драган со таткото Обрен и дедото Миќан бил на планина. Детето во моментот на несреќата било само покрај тракторот. Возилото било закочено, со подигната рачна кочница, а и клучевите не биле во бравата. Велат дека дедото видел како тракторот тргнал низ ливадата. Почнал да трча и кога стигнал, го нашол детето како лежи на земјата, а тракторот не бил превртен. Детето било свесно и рекло дека тракторот му поминал преку стомакот. За жал детето починало во ужичката болница, велат извори од истрагата.
