Милан Грујичиќ (39) од Бела Црква е уапсен под сомнение дека го убил, па го искасапил Павел Анка (75) од селото Гребенац.
Деловите од телото на свирепо усмртениот човек се пронајдени во куќата на Грујичевиќ и тоа во замрзнувачот. Се претпоставува дека мотивот за злосторството се пари.
-За да го прикрие злосторството, телото го ставил во кеси, па во замрзнувач. Најверојатно чекал погодна прилика па да се ослободи од лешот на искасапениот Павел – велат извори за српски Курир.
Павел Анка последен пат е виден на 9 февруари околу 15 часот. Неговото исчезнување е пријавено на 13 февруари од страна на неговиот син. Синот на убиениот кој исто така се вика Павел вели дека неговиот татко на 9 февруари дошол од Романија и отишол да се види со Грујичиќ.
-Требаше да се најдат за татко ми да разгледа и купи некој старински мебел. Со себе носеше 5.000 евра. Меѓутоа татко ми не се врати дома и од тогаш му се губи секава трага, рече синот Павел.
Убиениот Павел Анка (75)
Со проверка на телефонските повици утврдено е дека Павел доаѓал кај Грујичиќ. Поради тоа вчера е сослушан и признал дека Павел бил кај него, но потоа заминал и дека не знае што се сличило со него. Набрзо го отвориле замрзнувачат и во него го ги затекнале црните кеси со месо. Го прашале: Што е ова?, а тој мртов ладен одговорил: „Тоа е Павел!“ Сите биле шокирани во тој момент.
При претресот на дворот пронајден е автомобилот на жртвата марка „форд“, кој исто така бил исечен на делови.
Медиумите од Србија пишуваа за повеќе сценарија- дека грозоморниот злочин бил направен поради љубомора од неверство или поради кражба на пари.
Уапсениот Милан Грујичиќ (39)
Но, монструмот го призна делото. Тој рече дека го убил и искасапил својот пријател поради крвна одмазда.
-Павел пред 15 години му носеше на мојот татко лекови од Германија во Србија. Сигурно му носеше погрешни лекови. Таблетите не му помогнаа на тато и тој почина, а јас знам дека Павел е одговорен за тоа. Го чекав вистинскиот момент за да му се осветам, рече Грујичиќ.
Според мислењето на инспекторите, овој човек злосторството го направил во моментално психичко растројство.
