Ова се најдобрите спортисти во Македонија за 2012 (Фото)



sportisti-na-mak-2012

Наградите беа доделени на вчерашната манифестација која се одржа во просториите на Македонската опера и балет под покровителство на Агенцијата за млади и спорт.

nakovaСпортистка на годината е златната параолимпијка Оливера Наковска-Бикова, која на параолимписките игри во Лондон освои златен медал и постави нов светски рекорд во дисциплината 10 метри воздушен пиштол.

„Оваа награда е посебна за мене, таа ми претставува мотив да продолжам со понатамошни успеси“, рече Наковска-Бикова.

Ракометарот на Металург и член на репрезентацијата која го освои петтото место на Европското првенство, Наумче Мојсовски, е прогласен за спортист на годината.

mojsovski„Се надевам дека нема тука да застанам. Во 2012 ми се случија многу убави работи на репрезентативен и клупски план, 2013 не започна баш најдобро но се надевам дека и таа ќе биде успешна како претходната година“, рече Мојсовски.

Признанието на македонскиот ракометен репрезентативец и играч на Металург му го додели премиерот Никола Груевски, а наградата на Наковска-Бикова и ја врачи директорот на АМС Лазар Поповски.

Добитници на награди по категории:

1. Спортист: Наумче Мојсовски – ракомет
2. Спортистка: Оливера Наковска – Бикова – стрелаштво
3. Најдобар спортист во странство: Кирил Лазаров – ракомет
4. Најуспешна репрезентација (мажи): Ракомет
5. Најуспешна репрезентација (жени): Ракомет (сениорки)
6. Најуспешен тренер – селектор: Бранимир Јовановски – стрелаштво
7. Млада спортистка: Симона Заборска – карате
8. Награди за спортски промотори на Република Македонија добија РК Металург, фудбалерот на Марибор и македонски репрезентативец Агим Ибраими и најдобриот македонски фудбалски судија Алесандар Ставрев
9. Постхумно награди добија Славе Атанасов и Александар Атанасовски-Мац.

За најдобрите во 2012 година гласаа навинарите, националните спортски федерации, додека љубителите на спортот, својот галс го дадоа преку интернет.

Share Button
MK News

Автор инфо

No comments yet.

Остави коментар

UA-33057274-1