Полицаецот Рик Гох Јуан (39) денеска во Сингапур беше осуден на казна од 4.000 долари поради тоа што ја злоупотребил службената опрема и ги прислушкувал разговорите на неговата љубовница, 28 годишната Џојс Росиана.
Полицаецот изјавил дека злоупотребата ја направил „за да ја заштити својата сопруга од малтретирање’’, но не негираше дека имал афера со девојката што ја прислушувал.
Претпазливиот љубовџија имал мошне успешна кариера, но тој ќе одговара за злоупотребата на полициска опрема и во друго дело, за кое судот, ако го прогласи виновен ќе го казни со најмалку две години затвор.
