Во населбата Радиофар настанала вистинска “златна грозница”, откако Обвинителството за организиран криминал потврдило дека ќе отвори истрага за 22 милиони евра и десет килограми злато, кои пред 12 години “земунците” ги закопале во шума која се наоѓа во близина на аеродромот “Никола Тесла”.
Голем број на граѓани ја започнале потрагата по “Ќесето на Шиптар”, пишува Informer.
“Вие како сакате, а јас веќе почнав со копање! Доколку ги најдам тие пари, веднаш ќе ги поделам со сиромашните. Тие валкани пари ќе одат во вистински раце. На сите ќе им дадам”, рекол за Informer Сречко Павловиќ.
Според зборовите на друг жител на таа населба, во шумата веќе со години доаѓаат “трагачи” од сите места во Србија.
“Веќе четири-пет години од време на време се појавуваат луѓе со детектор за метал. Но никогаш не сум слушнал дека некој имал среќа”, рекол тој за Informer.
