ПРЕДУПРЕДУВАЊЕ: Доаѓа пороен дожд, грмежи, силни електрични празнења и ветер

Од четврток попладне и во петок повторно се најавува невреме со пороен дожд, грмежи, силни електрични празнења и силен ветер.

УХМР информира дека во четврток попладне и во петок Македонија ќе биде под влијание на влажна и студена воздушна маса.

Во петок, преку денот ќе дува засилен северен ветер, кој наместа ќе достигнува брзина и над 90 км/час и ќе предизвика значителен пад на дневната температура на воздухот, која наместа ќе биде и за 10 степени пониска во однос на претходните денови.

Во предупредувањето нема прецизирано дали врнежите ќе ја зафатат целата територија на Македонија или поединечни региони.

За време на викендот ќе преовладува стабилно и посвежо време. Во случај на појава на електрични празнења се препорачува поголема внимателност, да не се престојува на отворен простор и под осамени дрвја.