Американските истражители, ангажирани во потрагата по исчезнатиот авион на малезискиот национален авиопревозник „Malaysia Airlines”, ги негирале информациите дека претходно најдените остатоци во водите на Јужното Киенско Море на авионот од типот „Boeing-777-200″, објави ноќта кон понеделникот виетнамскиот портал Tuoi Tre.
Како што изјавил за порталот претставникот на амбасадата на САД во Ханој, Џеки Ли Танг, американските спасувачи извршиле проверка и утврдиле дека објектот пронајден на 100 километри југозападно од виетнамскиот остров Тхо-Чу, не потекнува од исчезнатиот авион.
Претходно, Вол стрит џурнал“ пренесе дека се верува дека се во прашање делови од вратата и опашката на авионот. Според последните информации се уште не се знае каде е авионот. Некои експерти сметаат дека е можно да експлодирал и да се распрснал во воздух – но сите теории досега се само теории, од авионот ниту траг.
