Протест на новинарите на „Вест“ синоќа пред Влада


Новинарите на „Вест“ синоќа по втор пат излегоа на протест, блокирајќи ја крстосницата кај Тифани во близина на зградата на Владата, јави синоќа Либертас.

vest protest

Foto – Libertas

Носејќи бели маички на кои пишува „Македонија вработува“, и „Дуинг бизнис- Груевски вработи не“, тие искажаа револт поради непродолжувањето на договорот на главниот уредник Горан Михајловски.
Распишан бил и конкурсот за ново лице на главната и одговорна уредничка позиција.

Вечерашниот протест, според нив, е да алармираат дека сакаат професионално и слободно новинарство, нешто што менаџментот според нив, последниве години им го попречувал.

Овој протест на новинарите на „Вест“ е втор по оној од јуни годинава кога излегоа и протестираа пред канцелариите на менаџментот на МПМ, компанијата која го издава весникот.

Михајловски ќе мора да си замине на 31-ви месецов затоа што му истекува договорот.

Share Button
MK News

Автор инфо

No comments yet.

Остави коментар

UA-33057274-1