Прилично неверојатни фотографии се појавија на Twitter, кои покажуваат што може удар на птица да му направи на патнички авион.
Во прашање е Boeing 737-800 на Turkish Airlines, во кој во моментот на ударот се наоѓале 125 патници, а летал на релација Истанбул-Нејсехир во Турција. Сепак, морал принудно да слета по силниот удар со птицата. Настанот се случил во вторникот, а никој од патниците не бил повреден.
Пилотот инцидентот го пријавил во контролата на летање, а заради принудното слетување променети се рутите на уште два авиона.
Носот на авионот бил прекриен со крв, а фасцинира деформацијата предизвикана од ударот во птицата.
Откако на Twitter фотографиите ги објави Flight Report, корисниците беа шокирани од големината на штетата на авионот. „Ова е удар на магаре, а не на птица“, пиша еден корисник.
