Расипано германско месо извезувано и на Балканот?!


Германскиот весник „Фокус“ пишува дека дел од расипаното месо од Германија било извезувано и на Балканот. Станува збор за „Бугарија, Романија и други балкански земји“. Земјоделците од Босна и Херцеговина изразија сомневање дека дел од тоа месо завршило и во Босна и Херцеговина, со оглед на тоа дека во земјата се увезуваат големи количества германско месо, пренесува Миа.

MESOГерманија ја потресе голем скандал, откако двајца работници на една компанија за производство на месо од Бад Бентајм открија дека сопственикот на компанијата на работиците им наредувал големи количества расипано месо да мешаат со здраво и да го продаваат и извезуваат како свеж производ.

Неделно се преработувале меѓу 50 и 100 тони расипано месо, а вкупната количина на смеса од здраво месо и расипано месо изнесувала 400 тони.

– Обвинителите во покраината Долна Саксонија покренаа истрага против фабриката за преработка на месо, во која властите во јуни извршија тестирање, изјави вчера портпаролот на германското Министерство за заштита на потрошувачите.

Фабриката е осомничена за мешање на расипано месо со здраво, за ставање на лажни етикети и лажирање на декларациите за потеклото на месото.

MK News

Автор инфо

No comments yet.

Остави коментар

UA-33057274-1