Слободно може да се каже дека на познатата шведска фирма „Икеа“ не и е потребна реклама, но тоа не ги спречува да бидат подобри од другите. Овој шведски гигант го промовираше својот каталог за 2015 година но воедно ја исмеа една од најпрестижните компании во светот на техниката „Епл“.
„Икеа“ својот најнов каталог во видео-рекламата го опишала како да е најновиот модел на ајфон.
Се разбира дека тој е подобар од сите други бидејќи нема кабел, а батеријата му трае вечно. Не е познато дали компанијата „Епл“ ќе одговори на овие провокации или ќе заземе став дека „Икеа“ им прави бесплатна реклама, па макар била и негативна.
