Полицијата предупредува дека има се` повеќе жртви на сајбер секс и апелира до граѓаните добро да размислат со кого се впуштаат во секс-чет, на кого му испраќаат фотографии и видео снимки, за да не станат жртви на измамници и уценувачи.
Неодамна, момче (25) од местото Брук ан дер Лајт, во Австрија запознало девојка на Фејсбук и се впуштил во преписка со неа. Кога се зближиле и станале интимни, таа во еден момент од него побарала „само за нејзини очи“ да мастурбира пред компјутерска камера, по што момчето тоа го направило. Не ни помислувало дека девојката го снимила овој негов сексуален чин, пренесе српски Курир.
Тогаш уследил шок, бидејќи девојката барала од него да уплати одредена сума пари за да не ја објави снимката. Оваа девојка од 25-годишното момче успеала да извлече вкупно 6.000 евра.
