Словачкиот хокеар, Мирослав Хлинка, светски првак од 2002 година извршил самоубиство, јави дописникот на МИА од Прага.
Како што пренесоа чешките медиуми, Хлинка животот си го одзел со бесење, а полицијата го потврди случајот без да го соопшти идентитетот на човекот.
Четириесет и двегодишниот Хлинка, кој ја има претставувано и Чешка и Словачка, учествувал на четири светски првенства, а во 2002 година во словачкиот дрес го освои светскиот шампионат.
Хлинка, во изминатиот период беше асистент на тренерот на хокеарскиот клуб на словачка Банска Бистрица.
