Патнички авион Ан-148 што полетал од московскиот аеродром Домодедово, се урнал, а според информациите кои ги пренесуваат светските медиуми нема преживеани. Бројот на жртви е 71, од нив 65 биле патници, а шест лица го сочинувале екипажот.
Авионот беше на пат кон градот Орск, а исчезнал неколку минути по полетувањето и, наводно, се урнал на 80 километри југоисточно од Москва.
Леталото било сопственост на авиокомпанијата Саратов Ерлајнс.
