Фејсбук одлучи да го подобра својот пребарувач: најновите промени најпрво ќе бидат достапни само на оние кои користат англиски поставки, а потоа ќе започне да функционира и кај другите.
Оваа социјална мрежа ја зголемува можноста за пребарување за корисниците да можат да пребаруваат теми за кои се разправа на различни теми.
Најавените промени за 1.2 милијарди корисници на Фејсбук, ќе овозможат под одреден напишан израз да пронајдат дискусии и постови на слична тема. Вака тие веднаш ќе можат да се вклучат во расправата.
Потпретседателот на Фејсбук, Том Стоки изјави дека за ова подоборување ги мотивирал фактот дека луѓето одат на Фејсбук штом нешто се случи, за да ја видат реакцијата на нивните пријатели и членовите на семејството: оваа измена сега ќе им овозможи да видат што за тоа пишуваат и другите членови на мрежата.
Такашто, наскоро кога ќе напишете одреден поим во прозорчето за пребарување, тогаш ќе добиете резултати од објавите на членовите на мрежата, нивните изјави и постови. Но, тоа не е се`. Незгодната работа е што вашите објави ќе бидат видливи за сите, без оглед на тоа колку се стари. Ова ја продолжува минатогодишната надградба кога стана возможно да се пребаруваат индивидуалните објави.
Секако, Фејсбук ви дава можност да ги сокриете постовите – доколку сакате да го направите тоа одете во „settings“, па во „Privacy“ изберете „Who can see my stuff?“, па од тука изберете ја посакуваната опција.
