Сирискиот премиер им се придружи на бунтовниците


Преку соопштение кое е прочитано во негово име, поранешниот сириски премиер Риад Фарид Хиџаб, објави дека преминува на страната на бунтовниците.

„ Денеска го објавувам своето заминување од убивањата и терористичкиот режим. Објавувам дека и се придружувам на револуцијата, од страната на оние кои се борат за човештвото и достоинството. Од денеска сум војник на оваа благословена револуција“, стои во соопштението на премиерот, кое го прочита неговиот портпарол, Мухамед ел-Етри.

Етри исто така демантирал дека премиерот е сменет од функцијата и изјавил дека Риад Фарид Хиџаб со месеци го планирал бегството од Сирија, во договор со Слободната сириска армија.

Сириските активисти пред извесно време објавија дека екс-премиерот ја напуштил земјата, веднаш откако било објавено во медиумите дека е сменет од функцијата.

Според медиумуте, Риад Фарид Хиџаб, заедно со неговата фамилија, пребегна во Јордан.

Поради немирите во Сирија, над 46.500 лица пребегнаа во Турција за повеќе од една година.

Share Button

Tags: , ,

Ивана Терзиевска

Автор инфо

No comments yet.

Остави коментар

UA-33057274-1