Над 60 отсто од информативните дисплеи во автобусите на Јавното сообраќајно претпријатие „Скопје“ се испишани на македонски и на албански јазик, а во наредниот период целосно ќе бидат двојазични дисплеите во сите возила, објаснуваат надлежните од ЈСП по повод барањето на советничката група на ДПА во Советот на Град Скопје за разрешување на директорот Мишо Николов.
Kоординаторот на советничката група на ДПА, Идриз Орана, побара Советот да го разреши директорот и парично да го казни затоа што „ЈСП како претпријатие основано од Град Скопје се уште не го применува доследно Законот за употребата на јазиците“, пишува Дневник.
Досегашната непокриеност на сите линии со натписи на македонски и на албански јазик од ЈСП ја објаснуваат со технички проблеми. Појаснуваат дека иако дисплеите останале недовршена работа, с` друго е одамна усогласено со Законот.
