Колинда Грабар Китаровиќ во 2013-та година, кога била помошничка на генералниот секретар на НАТО во Брисел, била во страствена врска со српски разузнавач.
Поради сознанијата дека српските тајни служби би можеле да ги имаат компромитирачките секс-снимки, хрватската разузнавачка служба била во наводна паника, пишува српски Информер.
Хрватските разузнавачи кренаа узбуна откако на почетокот на неделата им било потврдено дека Колинда била во врска со српски разузнавач.
-Колку што знаеме, претседателката не знаела кој навистина е нејзиниот љубовник. Мислела дека тој се занимава со недвижнини и дека е богат потомок на стар белградски трговец со слики… Колинда неколку месеци со тој човек била во вонбрачна врска. Се состанувале во приватни апартмани во Брисел кои најверојатно биле под видео надзор! Се сомнева дека претседателката е снимена во експлицитни пози. Нашите врски од тајните српски служби велат дека снимките се архивирани и дека се чека само моментот за да бидат пуштени во јавноста, вели високо позициониран западен дипломат.
Божидар Спасиќ, поранешен припадник во Државна безбедност (ДБ), вели дека Колинда е многу убава жена, што е само по себе „безбедносен проблем“.
-И функцијата на Китаровиќ во НАТО беше да известува. Два разузнавачи, дури и ако се во емотивна врска, никогаш не ја забораваат својата работа. Сите нивни активноси се подредени на собирање на информации. Затоа не се исклучува можноста, српските тајни служби да ја имаат снимката од домашното видео на својот разузнавач со Колинда, смета Спасиќ и додава дека информацијата во кревет функционира по принципот „јас на тебе, ти на мене“.
