Едно лице го загуби животот утрово во несреќа на регионалниот пат Струга-Дебар, во близина на каменоломот кај месноста „Бороечки мост”. Се работи за шеесетичетири годишниот Неде Ц. од селото Пискупштина, кој починал откако на него се превртел автомолбил „Застава 750″.
Несреќата се случила утрото во седум часот кога починатиот се обидел да го запали автомобилот со туркање на наудолница на пат кој води кон Глобочичкото езеро. Како што соопшти полицијата, автомобилот во моментот на забрзување се превртел на левата страна каде што се наоѓал Неде Ц. кој не успаеал да влезе во возилото и да го сопре неговото движење по надолниот пат. Од добиените повреди тој на лице место го загубил животот.
Полицијата изврши увид во присуство на Јавен обвинител како и полициски екипи од полициската станица за безбедност во патниот сообраќај од Струга.
