Главни протагонисти на документарецот „Таа има 78, а тој 39: Разлика во години“ се навистина несекојдневни парови.
Една Мартин имала речиси 70 години кога го запознала тогаш триесет годишниот Сајмон и тие тврдат дека се заљубиле на прв поглед. Сега веќе се во брак осум години. Една веднаш го привекла и велат дека разликата во годините не им создава никакви проблеми, па ниту во кревет.
„Се однесуваме како зајaци, вели Сајмон, кој денес има 39 години. Толку имала неговата сопруга кога тој се родил, а кога се запознал со Една тој се уште живеел со своите родители“.
Вдовицата нашла играчка
Вториот пар се Џоан (68) и Фил (39). Џоан е прилично отворена кога зборува зошто нашла помладо момче.
„Бев во брак 50 години и сопругот на смртна постела ми рече да си ги зголемам градите и да си најдам момче со кое ќе се забавувам“, вели Џоан. Го послушала.
Ги зголемила своите гради и се пуштила во потрага по момче на друштвената мрежа „Фејсбук“. И се јавил Фил кого го привлекла нејзината фотографија па одлучил да започне комуникација.
„Не можеме да се разделиме еден од друг. Се мазиме и бакнуваме. Обожавам да водам љубов со него“, рекла таа за „Дејли мејл“.
Педесет и три годишната Мерилин го запознала својот сопруг Вилијам (24) кога тој имал само 16 години.
„Тоа се законски години! Па мажите со генерации го прават тоа и никој не им приговара, вели Мерилин“.