Тажна приказна за мало момченце од Србија ќе ви го скрши срцето.
Малиот Золтан ги собира остатоците од храна кои ги фрлаат бегалците од Сирија и ги јаде, бидејќи во спротивно ќе умре од глад.
Неговата мајка за српскиот Курир вели дека не знае кој направил фотографија од нејзиното мало синче.
– Сиромашни сме, едвај сврзуваме крај со крај, но моето синче не собира остатоци од мигрантите, вели 33-годишната Силвија.
Таа ја раскажува својата голгота. Со своето синче и двегодишната ќерка живее во куќа во која нема ни струја.
– Животот е неподнослив. Живееме од социјална помош, но секако со две деца не е доволна за ништо. Золтан тргна во училиште, а уште нема ни прибор. Тој веќе гледа дека не можам да се изборам сама со сето ова, вели таа низ солзи.
Таа додава дека и е тешко и нема ништо, но ги разбира бегалците кои немаат ни покрив на главата и би го поделила и последното парче леб со нив.
Фотографијата од осумгодишното момченце го растажи регионот.
