Еден маж на возраст од 65 години е приведен како главен осомничен за подметнување на пожарите во источна Атика, недалеку од Атина минатиот понеделник.
Мажот чиј идентитет не е откриен во јавноста, навдно е жител на градот Пантелија, во северниот дел на Атика.
Според зборовите на неговите соседи во минатото палел ѓубре и суви гранки, а пред обвинителството сведочеле девет лица кои го сметаат одговорен за предизвикување пожар.
Осомничениот наводно палел трева и сувигранки на ридот над Пантелија кога искрите брзо ја зафатиле останатата вегетација. Поради високите температури и силните ветрови кои дуваа во оваа област, стихијата брзо поприми несогледливи размери.Како што пренесува телевизијата Скај, откако сфатил какви размери добил огнот, а посебно по трагичните исходи, осомничениот маж се обидел да ги прикрие трагите со земја, песок и вода на почетната точка од каде е предизвикан пожарот.
