УХМР: Од утре нов температурен шок


Врнежи за изминатите 24 часа (во л/м 2 ): 3 Маврово, Прилеп, 4 Битола, 10 Тополчани, 15 Дебар, 16 Крушево, 17 Лазарополе.

Времето денес: Во северните делови ќе е сончево со мала до умерена облачност. Во јужните и западните променливо облачно, на места нестабилно со пороен дожд и грмежи. Ќе дува слаб до умерен јужен ветер. Преку ноќта ќе започне од север да дува посвеж северен ветер поради кој нестабилност се очекува уште од следнава ноќ.

Максималната температура ќе биде во интервал од 24 до 30 степени. УВ=7.

Во Скопје температура до 30 °C.

Поради спуштање на постудена воздушна маса кое ќе започне преку ноќта, појава на нестабилност се очекува уште во ноќните часови. Утре во текот на денот ќе биде променливо облачно со засилен северен ветер и со повремени врнежи од дожд со ретки грмежи, пообилни во западните и крајните источни делови. Појава на слаб дожд попладне ќе има и во недела особено на југот.

Засилен северен ветер и посвежо време ќе има до понеделник, а потоа иако ветерот ќе остане северен тој ќе е со послаб интензитет и температурите ќе се во пораст.

Share Button
MK News

Автор инфо

No comments yet.

Остави коментар

UA-33057274-1