Најмалку 10 луѓе биле „уништени“ на еден контролен пункт кој поддржувачите на федерализацијата на Украина го подигнале во Доњецката област, изјавила пратеничката на украинската партија Баткившчина Лесја Оробец, пренесуваат украинските новински агенции.
„Ова се добри вести. Постојат групи луѓе што сакаат да бидат поданици на Путин и кои се борат. Барем десет непријатели се убиени денес. Три независни извори тврдат дека непознати лица почнале да пукаат, и ги убиле непријателите“, напишала Оробец на Фејсбук.
Првиот баталјон на украинската Национална гарда бил испратен на „фронтот“ на истокот на земјата, изјавил денес генералниот секретар на Советот за национална безбедност Андриј Парубиј.
„Војниците се расположени за борба и спремни да ја бранат Украина. Ситуацијата не е едноставна“, напишал Парубиј на Фејсбук.
