Словенец, чие што име не е објавено, е главен добитник на правата награда од рекордни 21 милиони евра на големата лотарија Евроџекпот.
За ливчето кое му го променило животот уплатил 2,2, евра.
Среќниот добитник ќе мора да плати данок на добивка од 15 отсто.
Досега најголемата добивка во историјата на лотаријата во Словенија беше освоена во јануари 2012 година и изнесуваше пет милиони евра.
Евроџекпот е меѓународна лотарија која се игра во 14 земји, а џекпот досега е извлечен 12 пати. Шест пати беше извлечен во Германија, два пати во Финска и по еднаш во Данска, Норвешка, Италија, а сега и во Словенија.
