ВИДЕО: НАСА ги објави пораките испратени до „Вонземјаните“


На плочите се снимени разни звучни записи од Земјата, како звуци на дожд, возови и автомобили, верски содржини и гласови од некои животни.

Американската Национална вселенска и аеронаутичка администрација (НАСА) на интернет ги објави целосните содржини на златните плочи што во 1977 година со сондите „Војаџер 1“ и „Војаџер 2“ беа испратени во Вселената, каде би можеле да бидат пронајдени и преслушани од некои напредни вонземски суштества.nasa

На плочите се снимени разни звучни записи од Земјата, како звуци на дожд, возови и автомобили, верски содржини и гласови од некои животни, како китови, мајмуни и слонови и пеење на птици.

Покрај тоа, плочите содржат и музика од различни жанрови и од различни периоди. Ако „вонземјаните“ ги пронајдат ќе можат да уживаат во музиката на Бах, Моцарт, Чак Бери, Луис Армстронг и многу други, но и етно песни од Кина, Перу и други земји и народи.

Целта била на овој начин на „вознемјаните“ да им се претстават Земјата и човештвото.

– Сакаме да им раскажеме приказна за нашиот свет, порача НАСА.

Покрај звукот, на плочите се наоѓаат и фотографии, вкупно 115 парчиња кои прикажуват најпознати сцени од Планетата и шема на Сончевиот систем и објаснување на дигиталниот систем.

Меѓу звучните записи испратени во Вселената се и поздрави до вонземјаните на 55 јазици.

Записите кои се испратени се селектирани од одборот на чело со Карл Саган од Универзитетот „Корнел“. Секоја од плочите е заштитена со алуминиумски слој, а покрај плочата испратени се и упатства напишани со помош на посебни симболи и објаснувња од каде сето тоа доаѓа и зошто.

Share Button
MK News

Автор инфо

No comments yet.

Остави коментар

UA-33057274-1