Агенцијата за електронски комуникации (АЕК) ги спушти големопродажните цени на пораките за 75 отсто, од два на половина денар. Се отвора можност и мобилните оператори да ги намалат цените на СМС пораките.
Законската процедура која вклучува јавна расправа и предлози од операторите заврши во декември, а според законот, големопродажните цени стапуваат на сила на 1 јануари, посочуваат од АЕК.
АЕК годинава за 70 отсто ги намали цените за интерконекција во мобилната телефонија и за 30 отсто цената за пристап до најголемиот фиксен оператор.
Сите овие мерки, според Агенцијата за електронски комуникации треба да придонесат за намалување на цените за потрошувачите и пониски цени на СМС пораките во мобилната телефонија.
