Млад Британец по три недели отако стапнал и се боцнал на еж, добил инфекција. Чиревите кои му биле големи колку тениско топче, му нараснале во пределот кај кичмата, по што му го оштетиле рбетниот мозок.
Студентот Калум Хол, за време на одморот во Грција, на островот Скијатос, случајно нагазил на морски еж, а по малата незгода, дваесетгодишниот Хол останал парализиран. Хал вели како на ежот се набодел откако скокнал од бродот во морето.„Почуствував болка, но тоа ми делуваше како бодеж од пчела. Од стапалото извадив три црни боцки и на тоа повеќе не помислував“, вели Хал.
(фотографии од летувањето во Грција)
Младиот Британец три недели по убодот добил инфекција. Откако му бил оштетен рбетниот мозок, останал парализиран од половината до доле. Лекарите веднаш го оперирале, но парализата не можела да се спречи. Тие му кажале дека е среќен што воопшто преживеал, затоа што неговиот организам силно реагирал на убодот.
