Вчера на полноќ, на патниот правец Ресен-Битола, во близина на местото викано Ротинска крстосница во сообраќајна несреќа животот го загуби едно лице а две се повредени.
Несреќата се случила кога автомобил „Фолксваген“ управуван од 34 годишен прилепчанец се судрил со камион „Сканија“ управувано од 45 годишен возач од с.Врбоец- крушевско.
Животот го загубила сопатничка во автомобилот Софи Д. (34) од Р.Албанија, со привремен престој во с.Свето Митрани-крушевско која им подлегнала на повредите во болницата во Битола
Возачот на автомобилот, и уште една повредена сопатничка од автомобилот, 49 годишна жителка на Албанија се пренесени и задржани на лекување во Клиничката болница во Битола.
Направен е увид на лице место, сеуште не се знаат причините поради кои дошло до несреќата. Телото на починатата е предадено за обдукција.
