Хрватска државјанка, Андреја Каилер (17), е пријавена како исчезната пред 15 дена.
Нејзините родители Маријана и Андрија стравуваат дека запознала некој дечко од Загреб преку Фејсбук, кој што ја држи некаде како заложник. Тврдат дека им се јавила минатиот петок и дека им кажала дека е добро и дека е среќна. Но, веднаш потоа врската од телефон се исклучила, а бројот не можел да се открие.
Мобилниот телефон и е исклучен, а родителите повеќе се немаат слушнато со неа. Велат дека стравуваат од најлошото. Полицијата објавила слика од Андреја, која живее во Дугој Реси. Исчезнала на 26 јули. Висока е 160 сантиметри, има плави очи, обло лице, и бемка на задната страна на вратот.
