Бесплатен паркинг простор околу Арената „Филип Втори” обезбеди претпријатието „Паркинзи” на Општина Центар, со цел побрзо движење на навивачите кон и од стадионот.
Бесплатни се паркинг зоните Дебар Маало, Буњаковец, Соборен Храм, целата зона околу стадионот, како и зоната кај Универзалната сала.
Вечерва ќе има и зајакнати безбедносни мерки пред и за време на натпреварот Македонија – Хрватска
Во рамки на сообраќајниот режим, меѓу другото од пладне е затворен сообраќајот од крстосниците на улиците „Ленинова“ и „Јордан Хаџи Констанинов – Џинот“ кон фудбалскиот стадион, и ќе се пропуштаат само возила со посебни пропусници. од 17 часот ќе бидат сообраќајно регулирани и приодите од булеварот „Илинден“ кон Националната арена, односно ќе се пропуштаат само возила со посебни пропусници и итни потреби.
Старт на натпреварот е во 20:30 часот во националната арена „Филип втори“ во Скопје, Хрватите очекуваат околу 1 000 навивачи да ги бодрат.
