Со цел да испратат порака дека не ги признаваат косовските институции во северниот дел на Косово, србите од Северно Косово денеска блокираа неколку патишта.
Блокирани се сите важни патни правци во општините Звечан, Косовска Митровица, Зубин поток и Лепосавиќ. Повеќе од 1 час беше блокиран и магистралниот пат Приштина – Рашка кај местото Рударе. На овој дел беа поставени дрвени трупци, јавува телевизијата Мост.
Најавија дека блокадата ќе трае најмалку еден час. Упатија порака дека србите не се откажуваат од барањето да останат да живеат во Србија.
