Фрлена бомба пред концерт на Горан Бреговиќ во Будва


Две експлозивни направи за кои полицијата се сомнева дека се динамит се фрлени вчера утрото пред една од најпознатите дискотеки во Будва “Top Hill”.

Бомбите се фрлени во 6 часот наутро во вторникот, од возило во движење и експлодирале на платото над дискотеката.

Само 2 часа претходно дискотеката била преполна со луѓе. Експлозијата се чула во цела Будва, а полицијата го блокирала патот кои води кон брдото Топлиш.

Веднаш по експлозијата полицијата излегла на теренот и направен е увид, а само неколку часа подоцна во дискотеката пристигнал и Горан Бреговиќ со својот бенд за да одржат тонска проба пред концертот кој се одржа вчера во истата дискотека. Бреговиќ и бендот го одржале концертот без никакви проблеми и воопшто не знаеле за инцидентот.

Бреговиќ и бендот за бомбите дознале дури денеска од медиумите – односно местото било расчистено пред тие да се качат на сцената.

Инаку оваа дикотека е контраверзно место кое се поврзува со наркобосот Дарко Шариќ, и речиси секоја втора вечер има или пукање или пак тепачки.

Tags: , , , , , ,

MK News

Автор инфо

No comments yet.

Остави коментар

UA-33057274-1