На северот од Косово рано утрово се случиле три вооружени напади во кои за среќа нема повредени, јавува Танјуг.
Портпаролот на косовската полиција го потврдил случајот и изјавил дека истрагата е во тек. Тој истакнал дека непознати лица од огнено оружје околу 1 часот и 30 минути отвориле оган врз КЕП банка и во просториите во кои се наоѓа локалната радио станица, а половина час покасно нападната била и куќата на Драже Божовиќ, командант на косовската полиција во Зубин Поток.
За време на нападот во куќата покрај Драже биле неговата сопруга и братот, кои останале неповредени. Во куќата било пукано од огнено оружје, а во дворот била фрлена експлозивна направа, најверојатно рачна бомба.
– Во куќата беше пукано од огнено оружје, а во дворот беше фрлена експлозивна направа, верувам дека станува збор за рачна граната. Повредени нема, но е причинета материјална штета, изјави портпаролот на полицијата, додавајќи дека за сега нема осомничени и дека истрагата се уште е во тек.
