Италијанскиот шампион Јувентус ги презентираше во јавноста новите дресови за новата сезона 2012/2013 година, а највпечатлив момент на јавноста беше објаснувањето на првиот човек на „старата дама“ Андреа Ањели.
„Како што броиме ние стигнавме до бројката 30, за освоени титули во Италија. Сепак се консултиравме со фудбалскиот сојуз на Италија според нив таа евиденција изнесува 28. Поради тоа што не се согласуваме одлучивме да ги тргнеме“, изјави претседателот на клубот Андреа Ањели.
Домашниот дрес ќе има бели бројки, додека имињата на фудбалерите ќе бидат напишани со црни букви. Гостинскиот дрес пак ќе биде целиот црн, додека третата опција ќе биде иста како минатата година во розева боја.
