Цела недела по судирот со терористичката група во Куманово, Јавното обвинителство на Република Македонија објави дека во Диво Насеље загинале 10 припадници на вооружената група осомничена за тероризам, а не 14 како што првично во саботата објави МВР.
Интересно е и тоа што МВР првично велеше дека најмалку 30 терористи се предале. Подоцна испадна дека бројот на предадените е помал од тие триесетина, од МВР велат дека тоа што тие го објавиле претходно било првично и неофицијално, базирано на информации од терен.
Кој и каде избројал 14 тела остана тајна, барем засега. Според некои бројката била точна но најверојатно четворицата загинати се платеници а можеби и странци, инструктори па по нечие сугерирање и притисок нивниот идентитет е сокриен. Во јавноста дури и излезе информација дека еден од упасените терористи бил црногорски платеник за кој по апсењето и бил предаден на американската амбасада – ова не е потврдено од МВР но одливот на бројката на упасени а сега и убиени создава сериозен сомнеж.
Во обвинителниот акт кој веќе е поднесен против уапсените пишува дека Мирсад Ндрецај (убиен) од Косово познат како командант НАТО и Бег Ризај (убиен) од Косово познат како командантт Бегу, заедно со Нусрет Каљоши (убиен) роден на 18 април 1975 македонски државјанин и Сами Укшини роден на 10.10.1967 од Косово познат како Командант Соколи, кој и се предаде на полицијата, биле „мозоците“ на групата.
