Конечно е во план проект со кој ќе се стави крај на гужвите и сообраќајниот хаос долж пластичарската улица.
Ако подобро погледнете таа и сега има 3 ленти, но едната секогаш е зафатена со паркирани возила. Или автомобили на дуќанџиите или на муштерии кои пазаруваат низ огромниот број продавници во овој дел.
Информацијата доаѓа од Општина Чаир, а проектот ќе е во договор со Град Скопје, информира Вечер.
Со новиот прокет Пластичарската улица ќе добие и четиврта лента. Ќе се искористат тротоарите бидејќи и сега тие не се користат од пешаци туку се продолжени излози на продавниците па на нив има пластични канти, столови, теписи и што ли уште не.
Проширувањето ќе биде од мостот што води кон Бит-пазар до раскрсницата каде што се наоѓа Американската амбасада во вкупна должина од околу 700 метри. Со реконструкција треба да се започне најдоцна до октомври.
