Наместо одмор вистинско мачење – Македонец преживеал хорор во Црна Гора


Наместо одмор во Будва, седам на црногорскиот брег без болека и делумно без парични средства. Вака Александар ја започнува својата приказна за голготата што ја преживува на својот годишен одмор, пишува Прес24

Тој тргнал за Будва со автобусот на една скопска туристичка агенција.Автобусот по пат до Будва застанал во Сутоморе за да остави дел од патниците. Но заедно со нив го оставил и багажот на Александар.budva plaza policija

„Меѓутоа, откако стигна автобусот на именуваната Агенција во Будва, не можев да си го пронајдам својот багаж во Автобусот. Шоферот на автобусот незаинтересирано ме извести дека мојот багаж не е во автобусот, и дека истиот најверојатно е оставен во Сутоморе (при оставањето на дел од патниците). При тоа, не добивајќи никаква помош ниту од шоферот, ниту пак од претставниците на Агенцијата, и покрај тоа што комуницирав со нив и побарав помош за наведената ситуација. Поради тоа, лично на свој трошок решив да отпатувам за Сутоморе, за да го побарам куферот. Кога пристигнав во Сутоморе, бев известен дека багажот седел два саати на местото каде што биле оставени патниците од автобусот, меѓутоа по одреден период непознато лице го земал истиот.

Поради немање никаква поддршка од агенцијата, се решив да го пријавам овој настан и во полициска станица, за чија пријава добив Записник и ветување дека ќе ме контактираат во ситуација ако некој го пријави истиот. Во комуникација со Агенцијата, наместо да се ангажираат за да ги проверат патниците кои се оставени во Сутоморе, да го пријават во полициска станица случајот или да ја намалат штетата која ми е нанесена, тие арогантно и незаинтересирано одговараат на моите повици и повиците од мојата фамилија.

Ние сакавме да комуницираме и со газдата на Агенцијата, надевајќи се дека ќе се добие било каква надомест за истата ситуација, меѓутоа, вработените од Агенцијата не известуваа дека газдата е на одмор, и дека не е заинтересиран за овој настан се додека не го заврши својот одмор.“ – вели Александар за Press24.

Share Button

Tags:

MK News

Автор инфо

No comments yet.

Остави коментар

UA-33057274-1