Денешниот број на неделникот „Фокус“ на насловната страница донесува текст со наслов „Нема бегање од нова истрага“ за сообраќајката на основачот на весникот, Никола Младенов кој пред две години загина откако, според официјалните информации, излетал од патот со својот автомобил. 
„Фокус“ го отвора прашањето каде исчезна мобилниот на Младенов, бидејќи првично беше соопштено дека тој бил лоциран според телефонот. Исто така за неделникот важно е да се утврди кој ја открил несреќата. Мистерија, според неделникот, е и каде бил Младенов кобната вечер, зошто не работеле камерите на наплатните рампи на автопатот Велес – Скопје.
