Во пожар што вечерва изби во стан на улицата Волгоградска бр. 2 во скопската населба Карпош 4 две жени, мајка и ќерка се повредени.
Пожарот избил во еден од становите на третиот кат, при што возрасните жени се повредени. едната, постарата е во потешка состојба поради вдишување на чад.
Во гаснењето на пожарот учествуваат две противпожарни возила, а на самото место пристигна и полиција која изврши увид.
Причините за пожарот во станот во кој двете повозрасни жени живеле сами, не се познати, но најверојатно настанал поради дотраената електрична инсталација.
Foto – Lider